seiyaku
< Previous
Index
Next >

Liber Psalmorum

LXXXII

Liber III Psalmus LXXXII, Nova Vulgata
(Latin version of Psalms chapter 82)

   1 PSALMUS. Asaph. Deus stetit in concilio divino, in medio deorum iudicat.
   2 "Usquequo iudicabitis inique et facies peccatorum sumetis?
   3 Iudicate egeno et pupillo, humilem et pauperem iustificate.
   4 Eripite pauperem et egenum de manu peccatoris liberate".
   5 Nescierunt neque intellexerunt, in tenebris ambulant; movebuntur omnia fundamenta terrae.
   6 Ego dixi: "Dii estis, et filii Excelsi omnes".
   7 Vos autem sicut homines moriemini et sicut unus de principibus cadetis.
   8 Surge, Deus, iudica terram, quoniam tu hereditabis in omnibus gentibus.

Source: Bibliorum Sacrorum Editio, Sacrosanti Oecumenici Concilii Vaticani II, Ratione Habita, Iussu Pauli PP. VI Recognita, Auctoritate Ioannis Pauli PP. II Promulgata, Editio Typica Altera

sections

search 🔍

contact

about
 home

privacy policy

email

© seiyaku.com