seiyaku
< Previous
Index
Next >

Liber Psalmorum

LXVII

Liber II Psalmus LXVII, Nova Vulgata
(Latin version of Psalms chapter 67)

   1 Magistro chori. Fidibus. PSALMUS. Canticum.
   2 Deus misereatur nostri et benedicat nobis; illuminet vultum suum super nos,
   3 ut cognoscatur in terra via tua, in omnibus gentibus salutare tuum.
   4 Confiteantur tibi populi, Deus; confiteantur tibi populi omnes.
   5 Laetentur et exsultent gentes, quoniam iudicas populos in aequitate et gentes in terra dirigis.
   6 Confiteantur tibi populi, Deus; confiteantur tibi populi omnes.
   7 Terra dedit fructum suum; benedicat nos Deus, Deus noster,
   8 benedicat nos Deus, et metuant eum omnes fines terrae.

Source: Bibliorum Sacrorum Editio, Sacrosanti Oecumenici Concilii Vaticani II, Ratione Habita, Iussu Pauli PP. VI Recognita, Auctoritate Ioannis Pauli PP. II Promulgata, Editio Typica Altera

sections

search 🔍

contact

about
 home

privacy policy

email

© seiyaku.com