seiyaku
< Previous
Index
Next >

Liber Psalmorum

III

Liber I Psalmus III, Nova Vulgata
(Latin version of Psalms chapter 3)

   1 PSALMUS. David, cum fugit a filio suo Absalom.
   2 Domine, quid multiplicati sunt, qui tribulant me? Multi insurgunt adversum me,
   3 multi dicunt animae meae: "Non est salus ipsi in Deo".
   4 Tu autem, Domine, protector meus es, gloria mea et exaltans caput meum.
   5 Voce mea ad Dominum clamavi, et exaudivit me de monte sancto suo.
   6 Ego obdormivi et soporatus sum, exsurrexi, quia Dominus suscepit me.
   7 Non timebo milia populi circumdantis me. Exsurge, Domine salvum me fac, Deus meus;
   8 quoniam tu percussisti in maxillam omnes adversantes mihi, dentes peccatorum contrivisti.
   9 Domini est salus, et super populum tuum benedictio tua.

Source: Bibliorum Sacrorum Editio, Sacrosanti Oecumenici Concilii Vaticani II, Ratione Habita, Iussu Pauli PP. VI Recognita, Auctoritate Ioannis Pauli PP. II Promulgata, Editio Typica Altera

sections

search 🔍

contact

about
 home

privacy policy

email

© seiyaku.com