Liber Psalmorum

C

Liber IV Psalmus C, Nova Vulgata
(Latin version of Psalms chapter 100)

   1 PSALMUS. Ad gratiarum actionem.
   2 Iubilate Domino, omnis terra, servite Domino in laetitia; introite in conspectu eius in exsultatione.
   3 Scitote quoniam Dominus ipse est Deus; ipse fecit nos, et ipsius sumus, populus eius et oves pascuae eius.
   4 Introite portas eius in confessione, atria eius in hymnis, confitemini illi, benedicite nomini eius.
   5 Quoniam suavis est Dominus; in aeternum misericordia eius, et usque in generationem et generationem veritas eius.

Source: Bibliorum Sacrorum Editio, Sacrosanti Oecumenici Concilii Vaticani II, Ratione Habita, Iussu Pauli PP. VI Recognita, Auctoritate Ioannis Pauli PP. II Promulgata, Editio Typica Altera